د لوي او کوچني پامير له مشرانو او نماينده ګانو سره کتنه
۱۴۴۴/۴/۲۴ هـ ق
د سرحدونو، قومونو او قبایلو چارو سرپرست وزير الحاج ملا نورالله نوري د لوي او واړه پامير له يو شمېر مشرانو سره وکتل. د کوچني پامير د خلګو په نماينده ګي حاجي سلطان او حاجي بوتو خبرې وکړې، دوئ پاميرونو ته د اسلامي امارت په ځانګړې توجه خوښي څرګنده کړه او له ښاغلي نوري څخه يې مننه وکړه چي ددوئ غوښتنو ته يې ښه انعکاس ورکړی او ستونزو ته يې رسيدنه شوې. د لوی پامير د خلکو په نمايندګي ښاغلي ایگمبردی خبرې وکړې، نوموړي د اسلامي امارت له لوري د کوچني پامير د لارې رغولو، مخابراتي خدماتو فعالولو او هڅو قدرداني وکړه او زياته يې کړه چي د لوی پامير د خلګو د لارې نشتون او روغتيايي خدمتونو ته نه لاسرسی عمده ستونزې دي چي هيله مند يو اسلامي امارت به ورته لومړيتوب ورکړي. ښاغلي نوري پاميري مشرانو ته ښه راغلاست ووايه او ددوئ غوښتنې يې واوريدې او ويې ويل: د هيواد ټولو محرومو ليرې پرتو سیمو ته اسلامي امارت لومړيتوب ورکوي، نوموړي زياته کړه ددوئ شته ستونزې به له اړوندو ارګانونو سره شرېکې شي.
