د قومي تړونونو په مرسته په هیواد کې زیاتې شخړې هوارې شوې دي
۲۷/۱/۱۴۴۵
د پکتیکا ولایت څخه راغلیو مشرانو د سرحدونو، قومونو او قبایلو چارو وزارت له سرپرست وزیر الحاج ملا نورالله نوري سره د هغه په کاري دفتر کې وکتل. راغلیو مشرانو د سرپرست وزیر څخه کور ودانی وکړ چې د خلکو تر منځ د ورورولۍ او یووالي رامنځته کولو لپاره کار کوي او زیاته یې کړه چې په یاد ولایت کې د دوو کورنیو تر منځ له څه مودې را په دېخوا شخړه را منځته شوې ده چې له کبله یې یو تن هم وژل شوی دی. دوی وویل چې د قومي تړونونو په مرسته یې زیاتې شخړې هوارې کړې دي خو په یاده شخړه کې د یاد وزارت همکاري ته اړتیا لري. ورپسې د سرحدونو، قومونو او قبایلو چارو سرپرست وزیر ښاغلي نوري راغلیو مشرانو د هرکلي تر څنګ وویل: قومي مشران د هیواد په ټولو ولایتونو کې د خلکو تر منځ منځګړیتوب کوي او د دوی خیرخواهي کوي. هغه زیاته کړه دا یو عبادت او نېک کار دی. د یادې موضوع په اړه ښاغلي نوري وویل: دا زموږ یو مسؤلیت ده چې د دې ملت خدمت وکړو او د خلکو تر منځ یووالی او ورورګلوي راولو، د یادې موضوع په اړه موږ کړنلاره او د شخړو د حل کمیسیونونه لرو چې له مختلفو مسؤلینو او مشرانو څخه جوړ دی، موږ به د یادې موضوع د حل په برخه کې کار وکړو.
