د فارياب ولايت د سرحدي ولسواليو له قومي مشرانو او مخورو سره ناسته!
١٤٤٤د ربيع الاول٧مه
د فارياب ولايت د سرحدونو، قومونو او قبايلو چارو رئيس محترم مولوي مير صارم د قيصار، دولت اباد او غورماچ سرحدي ولسواليو له قومي مشرانو اومخورو سره د يو لړ سرحدي ستونزو په موخه گډه ناسته تر سره کړه.
په پيل کې د فارياب ولايت د سرحدونو، قومونو او قبايلو چارو رئیس ښاغلي مولوي مير صارم په خپلو خبرو کې وویل، خوښ يم چې د قيصار، دولت اباد او غورماج ولسواليو له باتورو او مجاهدو ولسونو سره ګورم او دوی په يادو ولسواليو کې له گاونډیو هېوادونو سره په کډه د سرحدونو (پولو ) په ساتلو کې ښه رول او ونډه لوبولي، نوموړي د خپلو خبرو په دوام وويل دا چې الله تعالی موږ ته خپلواک اسلامي نظام را په برخه کړی اوس موږ ته په کار ده لکه څنګه چې د خپل اسلامي نظام ملاتړ او ساتنه کوو همداسې د گډو سرحدونو په دفاع کې هم خپل مسؤلیتونه په صداقت اوایمانداري سره تر سره کړو.
په پاي کې د يادو ولسواليو قومي مشرانو او مخور په خپلو خبرو کې له خپل اسلامي نظام څخه ملاتړ څرګند کړ او زیاته یې کړه چې د سرحدونو د ساتلو او صفري نقطو د ټینکښت په برخه کې به تل د اسلامي امارت تر څنګ ولاړ یو.
