د غصب د مخنيوي کميسیون یو شمېر غړو پروان ولايت ته سفر وکړ
يکشنبه ١١ جمادي الثاني١٤٤٥
د غصب د مخنیوي کمېسیون غړو د عدليې وزارت سرپرست وزير مولوي عبدالحکیم شرعي تر مشرۍ لاندې د ښار جوړونې سرپرست وزير مولوي حمدالله نعماني، د سرحدونو، قومونو او قبايلو چارو د سرحدي پلټنو معين الحاج مولوي محمد اسماعيل غزنوي، د کرهڼې وزارت سرپرست مولوي عطاءالله عمري او د غصب د کمېسیون يو شمير نورو غړو د پروان ولايت له والي الحاج عبدالعلي قدرت الله او د غصب د مخنيوي د تخنيکي کمېټې له غړو سره د همغږۍ ناسته تر سره کړه.
په یاده ناسته کې د غصب شويو ځمکو او جايدادونو د دوسيو د څارنې، ترتیب تنظیم او ارزونې په اړه هر اړخیز بحث تر سره شو، ورغلي پلاوي په دې ولایت کې ددې پروسې په تطبيق او چټکتیا کې د یاد ولایت د مسؤلینو همکاري اړینه او د مرستې غوښتنه یې وکړه.
