د غزني ولایت له قومي مشرانو سره ناسته
٧/٢١ /١٤٤٥ ھ ق
د سرحدونو، قومونو او قبایلو چارو رئیس مولوي جان محمد "حاجي مؤمن" د غزني ولایت د شپږمې ناحیې له قومي مشرانو سره په خپل کاري دفتر کې ناسته تر سره کړه.
د ناستې پیل د قران کریم په آیتونو سره وشو وروسته دوو تنو قومي مشرانو د خپل قومونو په استازیتوب خبرې وکړې او د یاد ریاست له مسؤلینو د هلو څلو څخه یې خوښي څرګنده کړه چې تل د قومونو سره د همغږۍ په پار او د یادې ناحیې د نورو مشکلاتو په حل کې د دوی سره همکار دي.
په پای کې د یاد ریاست رئیس ښاغلي حاجي مؤمن قومي مشرانو ته ښه راغلاست ووایه او زیاته یې کړه چې یاد ریاست د قومونو او د نظام تر منځ د ارتباطي پله په څېر دی، د ریاست مسؤلین شپه او ورځ ستاسو په خدمت کې ولاړ دي تاسو هر کله کولای شئ چې له مونږ سره خپلې ستونزې شریکي کړئ موږ به د حل لار ورته لټوو، او له اړوند مرجع سره به یې شریکوو.