د سیمه ییزو ارګانونو د خپلواکې ادارې له رییس شمیم خان کټوازي سره لیدنه!
د سرحدونو او قبایلو چارو وزارت سرپرست او نوماند وزېر ښاغلي محب الله صمیم د سیمه ییزو ارګانونو د خپلواکې ادارې له رییس شمیم خان کټوازي سره ولیدل.
په دې لیدنه کې دواړو لورو په هېواد کې دمېشتو قومونو ترمنځ د یووالي، د نظام په ملاتړ کې د قومي مشرانو د رول او دغه راز له قومي مشرانو سره د ولایتونو دوامداره اړیکو پر ټینګښت، سرحدي مېشتو ولسوالیو اوسېدونکو ته د غوره خدمتونو پر وړاندې کولو، سولې او له نظام څخه د ولسونو پر ملاتړ خبرې وکړې.
دغه راز مو سرحد مېشتو هېوادوالو ته د دولت له شته برنامو څخه د عامه پوهاوي پروګرامونو پر جوړېدو او په دې برخو کې په ګډې همکارۍ ټینګار وکړ.
