د سرحدونو او قبایلو چارو د وزیر ښاغلي محب الله صمیم د ولایتي سفرونو اغېزمنتیا او لاسته راوړنې!
د سرحدونو او قبایلو چارو وزیر ښاغلي صمیم تل هڅه کړې؛ چې د ولسونو منځ ته ورشي سره منسجم یې کړې او شته ستونزې یې له نږدې واوري.
پر همدې اساس یې کوښښ کړې، چې د ګران هېواد بېلابېلو ولایتونو ته سفرونه کړي او دا لړۍ دوام لري، د ښاغلي صمیم له ولایتي سفرونو موخه دا ده، چې د ولسونو ستونزې، غوښتنې او وړاندیزونه له نږدې واوري او د حل په موخه یې له اړوندو ادارو سره شریکې کړي.
د ولسونو منځ ته ورتلل او له هغوی څخه په ملي مسایلو کې د سلا مشورو اخیستل کړای شي تر څو د ولسونو او حکومت تر منځ واټن لنډ کړي، چې د سرحدونو او قبایلو چارو وزارت رهبرۍ تل هڅه کړې تر څو دې واټن لنډولو لپاره هر اړخیزې هڅې وکړي، چې دې سفرونو په دې برخه کې ښه نتیجه ورکړې.
نوموړی د خپلو ولایتي سفرونو پر مهال له دیني عالمانو، قومي مشرانو، مخورو، مېرمنو، مدني فعالانو، فرهنګي شحصیتونو، سیمه ییزو چارواکو او د پوهنتون له استادنو سره ناسته کوي. ستونزې، غوښتنې او وړاندیزونه له نږدې اوري.
د ولایتي سفرونو مهمه لاسته راوړنه د خپلو ولسونو یاد ساتل دي، د خلکو منځ ته ورتلل دي او همدا راز ولسونه دې ته متوجه کول دي، چې حکومت ولس ته پام کوي او په ملي مسایلو کې ورته د سلا مشورو لپاره حکومت په ټوله کې پوره ژمن دی او همدا راز ولسونه د لویو ولسي غونډو له لارې د نظام، جمهوریت، امنیتي ځواکونو او په ټوله کې د حکومت له برنامو څخه ملاتړ ته رابلل دي، چې خوشبختانه ولسونه اوس د خپل نظام بشپړ ملاتړ کوي او په دې برخه کې هر راز همکاریو ته ژمن دي او درانه ولس دا ژمنتیا تل په عمل کې ثابته کړې.
