د سرحدونو، قومونو او قبایلو چارو وزارت مسلکي معين ددې وزارت د ښوونې او روزنې ریاست له مسؤلینو سره ناسته وکړه.
نن یک شنبه ۷/۱/۱۴۰۱ د سرحدونو، قومونو او قبایلو چارو وزارت مسلکي معین مولوي عبدالرحمن حقاني د ښوونې او روزنې ریاست له رئیس محمد نبي شهاب او کارکونکو سره پخپل کاري دفتر کي د شته ستونزو د هواري او حل لارو لټولو په موخه لیده کاته وکړل. په پیل کې د ښوونې او روزنې رئیس د ریاست د کړنو په اړه راپور وړاندې کړ او د وزارت په اړوندو لېسو کې یې د روان تدریسي بهیر په اړه رڼا واچوله په پای کې سرحدونو، قومونو او قبایلو چارو وزارت مسلکي معین مولوي عبدالرحمن حقاني د ښوونې او روزنې ریاست اړوند ټولو ستونزو ته د رسیدلو او حل ژمنه وکړه او زیاته یې کړه چې د اسلامي امارت مشران د ځوان نسل د ښوونې او روزنې په برخه کې له هر ډول هڅو ملاتړ کوي او موږ او تاسې باید ټول هغه امکانات چې په لاس کې لرو د نظام په جوړولو کې ترې کار واخلو او د افغانستان د اسلامي امارت تر سیوري لاندې د افغانستان د ځوان نسل په ښوونه او روزونه کې هر اړخیزې هڅې وکړو. د يادونې وړ ده چي د سرحدونو او قبایلو په بيلابيلو ليسو کي شاوخوا ۵۳۰۰ شاګردان په زده کړو بوخت دي او د وزارت له لوري ورته د ښه تعليمي ماحول، معياري زده کړو، اعاشې او اباتې اسانتياوې برابرې شوې.
