د سرحدونو، قومونو او قبايلو چارو د سرحدي څېړنو معین په خوست ولایت کې د دې وزارت له اړوند قبایلو لیسې څخه لیدنه وکړه
سه شنبه ٢١ ربیعالثانی ۱۴۴۷
د سرحدونو، قومونو او قبایلو چارو وزارت د سرحدي څېړنو معین الحاج مولوي محمد اسماعیل غزنوي د خوست ولایت د مرستیال والي او نورو مسؤلینو په ملتیا په دې ولایت کې د سرحدونو، قومونو او قبایلو چارو وزارت اړوند د قبایلو له عالي لیسې څخه لیدنه وکړه.
ښاغلي غزنوي د دې لیسې په لیلیه ودانۍ کې له شاګردانو سره په لیدنه کې وویل: تاسې ته حکومت د زده کړو لپاره په هره برخه کې زمینه برابره کړې ده، په دې بهیر کې له پوره هڅو کوشش څخه کار واخلئ، تاسې د دې هېواد راتلونکي یاست، په تاسو پورې د هیوادوالو هیلې تړلې دي، نوموړي دا راز له شاګردانو څخه وغوښتل چې ځان په شرعي اصولو او نبوي سنتو برابر کړي.
