د خوست په تڼيو ولسوالي کې ولسونو سره د ستونزو راټولولو په موخه غونډه ترسره شوه
جمعه ۱۲ ربيع الأول ۱۴۴۷
د ولسواليو په کچه د سرحدونو، قومونو او قبايو چارو وزارت په مشري جوړېدونکو غونډو په ترڅ کې دا ځل په تڼيو ولسوالي کې د ولسي خلکو سره د اسلامي ورورولي او قومي ستونزو اورېدو په پار يوه لويه غونډه ترسره شوه.
په دغه قومي غونډه کې د خوست ولايت د سرحدونو، قومونو او فبايو چارو رياست مسؤلينو، د يادې ولسوالي استازو، سيمه ييزو مشرانو او ګڼو خلکو ګډون درلو.
د غونډې پرمهال سيمه ييزو مشرانو له مسؤلينو سره خپلې اړينې ستونزې شريکې کړې او د حل وړانديزونه يې وکړل، چې د مسؤلينو لخوا د ډاډ په څرګندلو سره هغوی ته د اميرالمؤمنين حفظه الله د وروستيو فرمانونو د عملي کولو سپارښتنې هم وشوې.
