د بایزید روښان کثیرالرشتوي انستیتیوت د زده کړیالانو د جذب کانکور ازموینه واخیستل شوه
۷/۹/۱۴۴۵ هـ ق
د سرحدونو، قومونو او قبایلو چارو وزارت اړوند د بایزید روښان کثیرالرشتوي انستیتیوت د زده کوونکو د جذبولو په موخه له سرحدي، لرې پرتو او محرومو سیمو څخه راغلیو زده کوونکو څخه د کانکور ازموینه واخیستل شوه.
په دغه ازموینه کې د ګډون په موخه څه باندې ۵۰۰ زده کوونکو نوملیکنه کړې وه، چې له جملې یې له ۳۷۰ تنو نن د سرحدونو، قومونو او قبایلو چارو وزارت او د تخنیکي او مسلکي زده کړو لوی ریاست د استازو په حضور کې ازموینه ترسره شوه.
د دغه امتحان په پایله کې به ۳۰۰ تنه د خپل لیاقت او استعداد په اساس د انستیتیوت څلورو څانګو (کمپیوتر زده کړه، انجنیري، اقتصاد او کرنې) پوهنځیو ته ور وپېژندل شي او پایلې به یې دوه ورځې وروسته د وزارت له ویب پاڼې نشر شي.
