د بادغيس له والي سره کتنه
چهارشنبه١٧رجب المرجب
د سرحدونو، قومونو او قبايلو چارو وزارت د جرګو او قبايلي چارو د همغږۍ معين الحاج ملا عبدالخالق عابد او ملګري پلاوي يې بادغيس ولايت ته له خپل ورتګ سره سم د دغه ولايت له والي سره د قومونو تر منځ د يوې ولسي غونډې د جوړيدو په اړه د ولايت په مقر کې د همغږۍ ناسته تر سره کړه. لومړى د بادغيس والي ښاغلي عابد او مل پلاوي ته ښه راغلاست ووايه او بیا یې د مېشتو قومونو په هکله بشپړ معلومات شريک کړل، ورپسي د سرحدونو، قومونو او قبايلو چارو وزارت د جرګو او قبايلي چارو د همغږۍ معين الحاج ملاعبدالخالق عابد په خپلو خبرو کې د بادغيس ولايت د بېلابيلو قومونو تر منځ د ولسي غونډې د جوړيدو په اړه مقدماتي خبرې وکړې .
