په لوګر ولايت کې ۶ کلنه دښمني پای ته ورسېده
يکشنبه ۱۴۴۶/۵/۲۲
د لوګر ولايت په خروار ولسوالۍ کې د کورني تاوتريخوالي له امله د دوو کورنيو ترمنځ هغه شپږ کلنه شخړه، چې دواړو خواوو ته يې ژورې ستونزې پيدا کړې وې د سرحدونو، قومونو او قبايلو چارو وزارت د شخړو د حل د سلاکار مولوي محمد آجان رهبر په هلوځلو او ديني عالمانو په منځګړيتوب حل او فصل شوه.
د جرګې غړو لومړی د دغو کورنيو دمشرانو سره جلاجلا ناستې وکړې او بيا يې له هغوی څخه اختيار ليکونو په اخيستلو سره د يوې منصفانه پريکړې له مخې روغه جوړه وکړه، چې د ښکېلو لورو د رضايت سبب وګرځېده او يو بل ته يې بښنه سره وکړه.
دوی د اسلامي امارت له مشرانو او په خاصه توګه د سرحدونو، قومونو او قبايلو چارو وزارت له مسؤلينو هم مننه وکړه، چې په وينايې د ولسونو هرې غټې او وړې ستونزې ته د حل په موخه پر وخت رسېدنه کوي او د ارام ژوند زمينه ورته برابروي.
