د وزارت د اړوندو لېسو ستونزې واوریدل شوې!
په دې کتنه کې، لومړی راغلو امرینو د وزارت له مشرتابه څخه مننه وکړه، چې د لېسو د ښه مدیریت په برخه کې یې نه ستړې کیدونکې هلې ځلې ترسره کړې او مثبت بدلونون یې رامنځته کړي همدا راز یې د وزارت د اړوندو لېسو پاتې ستونزې د حل په موخه له مسلکي معین ښاغلي ډاکټر فریدون بارکزي سره شریکې کړې او په دې برخه کې یې خپل معلومات وړاندې کړل.
ورپسې د سرحدونو او قبایلو چارو وزارت مسلکي معین ښاغلي ډاکټر فریدون بارکزي په خپلو خبرو کې د یادو لېسو د امرینو ستونزې پر ځای وبللې وې ویل: هڅه مو داده، چې د مخکې په څېر د وزارت د اړوندو لېسو پاتې ستونزو ته هم د حل لارې چارې پیدا کړو او زده کوونکو ته د غوره خدمتونو جوګه شو.
همدا راز یې له اړوند امرینو څخه وغوښتل، چې د چارو پرمخته وړلو کې له یو بل سره همغږي اوسي او ستونزې یې پر خپل وخت د حل په موخه د وزارت له مشرتابه سره شریکې کړې، چې په دې برخه کې یې ځینې سپارښتنې هم وکړې.
