د کندهار ولایت په ارغستان او سپین بولدک ولسوالیو کې د عامو خلکو په ګډون ولسي غونډې ترسره شوې
شنبه ۱۴ سنبله ۱۴۰۵ هـ.ش
د کندهار ولایت په ارغستان او سپین بولدک ولسوالیو کې د(اسلامي نظام تر چتر لاندې د شریعت د تنفیذ او همغږۍ) تر عنوان لاندې ولسي غونډو کې د سرحدونو، قومونو او قبایلو چارو رئیس الحاج ملا عبدالباري رحماني، د کندهار ولایت سیمهییزو ملکي او نظامي مسؤولینو، دیني علماوو، قومي مشرانو او د دواړو ولسوالیو ګڼ شمېر عامو خلکو ګډون کړی و.
په دغو غوڼډو کې مسؤولینو له عامو خلکو سره د خبرو پر مهال د اسلامي نظام او ولس ترمنځ د لا ښې همغږۍ، یووالي او اتفاق پر پیاوړتیا ټینګار وکړ هغوی همداراز د ځوانانو پر اصلاح، د امر بالمعروف او نهی عن المنکر قانون پر عملي کېدو، د شرعي علومو پر زدهکړه ، د مسولینو له ولس سره د ښه چلند پر د ټولنې د پرمختک یو ښه بیلګه وبلله او له عامو خلکو یې وغوښتل چې د اسلامي نظام ملاتړ، همکاري او د شرعي اصولو رعایت ته دوام ورکړي.
په پای کې، د دواړو ولسوالیو قومي مشرانو او ګډونوالو د اسلامي نظام د ملاتړ ترڅنګ، له سیمهییزو مسؤولینو سره د همغږۍ او همکارۍ پر دوام ټینګار وکړ. هغوی وویل چې د قومونو ترمنځ د یووالي او متقابل باور د پیاوړتیا، د امنیت د لا ټینګښت او د ټولنیز ثبات د خوندي ساتلو لپاره به خپلې هڅې نه سپموي او د هېواد د آبادۍ، پرمختګ او د خلکو د هوساینې په برخه کې به له مسؤولینو سره لازمې همکارۍ ترسره کړي
