ګران هېواد به مو هغه وخت د پرمختګ پر لور ګام اوچت کړي، چې ولسونه مو د جمهوري نظام د پیاوړتیا او ځواکمنتیا لپاره عملي کار وکړي، ځکه د نظام پایښت د ټولو په ګټه دی!
۱۸/۱۱/۱۳۹۹
دغه څرګندونې د سرحدونو او قبایلو چارو وزیر ښاغلي محب الله صمیم نن له غرمې وروسته د لویې پکتیا له یو شمېر مخورو، ځوانانو او د ملي مصالحې عالي شورا له غړي ښاغلي ابراهیم افضلي سره د کتنې په ترڅ کې وکړې.
په دې کتنه کې راغلو ځوانانو د خپلو یو لړ سیمه ییزو ستونزو د شریکولو ترڅنګ د جمهوریت، نظام، او تلپاتې اوربند د ملاتړ په پار د لویو ولسي غونډو په جوړولو کې د ښاغلي محب الله صمیم هڅې او لاسته راوړنې وستایلې او نوموړی يې دې وزارت ته وړ او په کار پوه شخص یاد کړ دغه راز یې په بېلابېلو برخو کې یې د خپلو همکاریو ډاډ ورکړ.
ورپسې د سرحدونو او قبایلو چارو وزیر ښاغلي محب الله صمیم له دوی څخه مننه وکړه، چې د خپلو ولسونو ستونزې یې د حل په موخه ورسره شریکې کړې.
دغه راز ښاغلي صمیم وویل: هېواد به مو هغه وخت لا پرمختګ وکړي چې ولسونه مو د نظام د پیاوړتیا او ځواکمنتیا لپاره لاس سره یو کړي او په ګډه په دې برخو کې کار او هڅې وکړي.
په پای کې یې دوی ته ډاډ ورکړ، چې ستونزې به یې د حل په موخه له اړوندو ادارو سره شریکې کړي.
