د پیرمحمدکاکړ او رحمان بابا عالي لېسو د تعمیر د ترمیم داوطلبي خبرتیا:
Publish Date
Closing Date
د سرحدونو، قومونو او قبایلو چارو وزارت په شرایطو برابرو غوښتونکو ته بلنه ورکوي چې په مرکز کابل کې د وزارت اړوند د پیرمحمدکاکړ او رحمان بابا عالي لېسو د تعمیر د ترمیم داوطلبي په پروسه کې ګډون وکړي، د ګډون لپاره شرطپاڼه په انلاین توګه د ملي تدارکاتو له ویب پاڼېhttps://tenders.ageops.af) ) او یا یې چاپ شوی نقل د یاد وزارت له تدارکاتو آمریت څخه ترلاسه او د تدارکاتو د قانون، کړنلارې او په شرطپاڼه کې د لیکلو شرایطو په نظر کې نیولو سره ډکه کړي او د نشر له نېټې څخه بیا سه شنبه ۱۵/۲/۱۴۰۵ هـ ل نېټه چې د آفرونو د تړنې وروستۍ ورځ ده، په سرټړلي شکل د یاد وزارت اړوند د تدارکاتو ریاست د آفرونو په صندوق کې واچوي.
د یادونې وړ ده، چې په دغه پروسه کې ګډون د بانکي تضمین او یا هم (۹۵۰۰۰) پنځه نوي زره افغانیو په اساس ترسره کېږي او د غوښتنپاڼو کتنه (آفرګشایي) سه شنبه ۱۵/۲/۱۴۰۵ هـ ل نېټه ماسپښین مهال ترسره کېږي.
پته: د میدان هوایي سرک، سترې محکمې ته څېرمه د سرحدونو، قومونو او قبایلو چارو وزارت کابل-افغانستان
