په ننګرهار ولایت کې ۳۰ کلنه اوږده شخړه هواره شوه
دوشنبه ۱۴۴۶/۶/٧
د ننګرهار ولايت په سرخرود ولاسوالۍ کې د دوو کورنيو ترمنځ هغه ۳۰ کلنه اوږده شخړه هواره شوه، چې له دواړو خواوو پکې د ګڼو مالي زيانونو تر څنګ دوه تنه وژل شوي وو او دوه نور پکې ټپيان شوي هم وو.
د سرحدونو، قومونواو قبايلوچارو وزارت د جرګو او قبايلي چارو دهمغږۍ معين الحاج مولوي محمد علي جان احمد او مل پلاوي په شتون کې د دننګرهار ولايت د سرحدونو،قومونو او قبايلو چارو رئيس رحمت الله غازي عمر په هلوځلو او د ياد ولايت د دوه ويشت ولسواليو قومي مشرانو په منځګړيتوب دغه پخوانۍ جنجالي شخړه د يوې غونډې په ترڅ کې داسې مهال پای ته ورسېده، چې مسؤلينو ښکيل لوري سولې ته را وبلل او د دښمنۍ په ناوړه پايلو يې وپوهول.
د يادو دواړو کورنيو مشرانو د مسؤلينو په شوې فيصله د رضايت تر څنګ په تېره دښمني پښيماني وښوده او ژمنه يې وکړه، چې په راتلونکي کې به هيڅ ډول جنجالونو ته زړه نه ښه کوي.
