ګرانو هېوادوالو!
لکه څنګه چې تاسې ټولو ته معلومه ده په دې وروستيو کې د هېواد بېلابېلې سيمې د دښمن تر بريدونو لاندې دي او هره ورځ مو هېواد او هېوادوالو ته زيانونه رسېږي. په دې ناروا جګړه او فتنه کې نه یوازې په کور دننه ترهګر ونډه لري بلکې بهرني ترهګر هم ورسره ملګري دي او په ښکاره ډول یې له بهر څخه ملاتړ کېږي.
لکه څنګه چې جلالتماب ولسمشر د ملي شورا په فوق العاده غونډه کې وفرمايل، زموږ خلک دا مهال له یوه څرګند تجاوز او تېري سره مخامخ شوي دي. له همدې کبله د سرحدونو او قبایلو چارو وزارت پر ټولو قومونو او ولسونو غږ کوي چې په يوه غږ د الله اکبر مقدسه کليمه تکرار کړي او د خپل نظام، ملي نوامسيو، وطن او خاورې په دفاع کې ونډه واخلي.
