کندهار کې د دوو کورنيو ترمنځ شخړه حل شوه
د کندهار ولايت په پنجوایي ولسوالۍ کې د کوچي قوم د دوو کورنيو ترمنځ د خپلمنځي تاوتريخوالي له امله رامنځته شوې هغه دوه کلنه دښمني په دوستۍ بدله شوه، چې له امله يې يو کس په ډزو سره ټپي شوی او ګڼ مالي تاوانونه يې اړولي وو.
ياده شخړه د کندهار ولايت د سرحدونو، قومونو او قبايلو چارو رئيس ملا عبدالباري رحماني په لارښوونو د کوچيانو چارو د سمون آمريت مسؤلينو له لوري د يوې غونډې په ترڅ کې داسې مهال حل شوه، چې د قومي مشرانو، علماوو او ځايي خلکو په شمول د دواړو کورنيو مشرانو پکې شتون در لود.
د جوړې شوې غونډې پرمهال مسؤلينو د اخوت او ورورولۍ په تړاو خبرې وکړې، ښکېل اړخونه يې سولې ته راضي او د يوې منصفانه فيصلې په کولو سره يې یاده شخړه پای ته ورسوله.
