په ولسي جرګه د کاپيسا ولایت د خلکو له استازې او ددغه ولایت د عالمانو شورا له یو شمېر غړو سره کتنه!
د سرحدونو او قبایلو چار وزیر ښاغلي محب الله صمیم نن له غرمې وروسته په ولسي جرګه کې د کاپیسا ولایت د خلکو له استازې اغلې خديجې الهام او د یاد ولایت د عالمانو شورا له یو شمېر غړو سره د خپل کار په دفتر کې په وکتل.
په دې کتنه کې اغلې الهام او د عالمانو شورا غړو ښاغلی صمیم یو ولسي او د قومونو په ستونزو پوه شخص وباله، د ملي یووالي په ټینګښت او د قومونو په انسجام کې يې د وزارت هلې ځلې وستایلې او د خپلو همکاریو ډاډ یې ورکړ.
ورپسې ښاغلي صمیم د هېواد د ملي ارزښتونو او ملي بنسټونو په ساتلو کې د دیني عالمانو او قومي مشرانو رول ارزښتاکه وباله زیاته یې کړه، دیني عالمان کولای شي د ممبر له لارې خلک سولې او له شته نظام څخه ملاتړ ته رابولي.
