په جوزجان او غزني ولايتونو کې دوې بېلابېلې شخړې حل شوې
سه شنبه۱۳/ ۶/ ۱۴۰۳
د جوزجان ولايت د سرحدونو، قومونو او قبايلو چارو رئيس غلام نبي صميم په مشرۍ د ځايي خلکو او د يني علماوو په همکارۍ د ياد ولايت په دشت ليلې دښته کې د څړځايونو او پسرلني هستوګنځايونو پر ملکيت دوه مرور وروڼه پخلا او خپل عادي ژوند يې پيل کړ.
همداسې د غزني ولايت په ناهور ولسوالۍ کې هم د دوو کورنيو تر منځ هغه شخړه حل شوه، چې د زراعتي ځمکې او تګ راتګ لارې له وجې رامنځته شوې وه. د دغه منازعې د تاو تريخوالي له کبله له يوه طرف يو کس ژوبل شوی وو. ياده شخړه د غزني ولايت د سرحدونو، قومونو او قبايلو چارو رياست د مسؤلينو له لوري حل شوه.
د يادونې وړ ده چې تيره ورځ هم د سرحدونو، قومونو او قبايلو چارو وزارت په همغږۍ د هيواد په بېلابېلو ولايتونو کې دې ته ورته شخړې حل شوې، چې پکې جوزجان، ميدان وردګ، بادغيس او غزنی ولایتونه شامل وو.
