نن مو هېواد په هره برخه کې بنسټیز پرمختګ کړی او افغان امنیتي او دفاعي ځواکونه به هیچا ته اجازه ورنکړي، چې زموږ پر هېواد یو ځل بیا تېره ترخه تجربه تکرار کړي
هغوی چې دلته قوي نظام، د هېواد پرمختګ او په ټوله کې د هېوادوالو ښه ژوند نه غواړي په دې ورستیو کې منفي تبلیغات کوي او له پرمختللي، پر خپلو پښو ولاړ او ودان افغانستان څخه وېره لري.
زما پیغام دوی ته دا دی، چې افغان ولس، نظام، زموږ زړورو امنیتي ځواکونو او ملي بنسټونو خورا زیات او د پام وړ پرمختګ کړی. افغان انسان او افغانستان به بیا شاته نه ځي او لا پرمختګ به کوي.
پر ولسونو غږ کوم، چې د خپلو امنیتي _ دفاعي ځواکونو بشپړ ملاتړ وکړئ او د دې بې رحمه او پرمختګ ضد دښمن پر وړاندې سره یو غږ او منسجم شئ.
محب الله صمیم
د سرحدونو او قبایلو چارو وزیر
