د کوچیانو او مالدارانو د اقتصادي پیاوړتیا او همغږي په پار ټاکل شوې کمېټې ناسته وکړه
دوشنبه ١٦ محرم الحرام١٤٤٦
د سرحدونو، قومونو او قبایلو چارو وزارت د کوچیانو چارو د لوي رئیس مولوي ګل زرین کوچي په مشرۍ د کوچیانو او مالدارانو د اقتصادي پیاوړتیا او همغږي په پار ټاکل شوې کمیټې د ياد رياست دغونډو په تالار کې ناسته ترسره کړه. په دې ناسته کې چې د یادې کمېټئ پر غړو سربېره د اقتصاد وزارت یو شمیر با صلاحیته استازو هم حضور درلود، د ۱۴۰۳ کال د مالي پلان مطابق یو شمېر سکتوري وزارتونه او موسیسې چې د کوچیانو او مالدارانو د اقتصادي پیاوړتیا او همغږي په برخه کې د کوچیانو چارو له لوي ریاست سره په کډه کار کوي د نویو طرزالعملونو د جوړولو په اړه چې د یادو ادارو تر منځ له وظیفوي تداخل څخه پکې ډډه وشي هر اړخیز معلوماتي پریزينټېشن وړاندې شو او دې اصل ته په کتو سره لازمې پرېکړې تر سره او په اړه یې جدي تصمیمونه ونیول شول.
