د کندز ولايت د سرحونو، قومونو او قبايلو چارو رئيس د کوچيانو له قومي مخورو او سپين ږيرو سره وکتل
١٤٤٤ د ربيع الاال ٨مه
یاده غونډه نن ورځ د سرحدونو، قومونو او قبايلو چارو رياست د جرگو په تالار کې تر سره شوه، چې پر مهال یې د کوچیانو قومي سپین ږیرو او مشرانو حضور درلود، د غونډې په جریان کې یوه تن ګډونوال ښاغلي شير محمد کوچي په خپله سيمه کې کوچي قشر ته د پيژندپاڼو د وېش او څړ ځايونو په اړه شته ستونزې له ښاغلي ثاقب سره شریکې کړې، نوموړي وړانديز درلود چي رياست دې د يادو ستونزو د حل په موخه کړندي گامونه پورته کړي. وروسته د سرحدونو، قومونو او قبايلو چارو رئيس ښاغلي احسان الله ثاقب کوچي قومي مشرانو او سپين ږيرو ته ژمنه وركړه چي د څړ ځايونو پر سر معضله به په دقيق ډول څېړي، عادلانه قضاوت به كوي او د کوچيانو نورې شته غوښتنې به تر اړوندو ادارو پوري رسوي.
