د پکتیا له والي سره ناسته!

د افغانستان د اسلامي امارت د سرحدونو او قبایلو چارو وزارت سرپرست محترم ملا نورالله نوري نن په داسې حال کې چې د وزارت د عامه اړيکو او ښوونې او روزنې مسؤل ورسره مل و، د پکتیا له والي محترم مولوي صاحب حمزه سره ددغه ولايت په مقر کې وکتل

. په دې کتنه کې لومړی د سرحدونو او قبایلو چارو وزارت سرپرست محترم نوري د خپلو ولايتي سفرونو د موخو په اړه رڼا واچوله وویل: لکه څنګه چې چې د سرحدونو او قبایلو چارو وزارت يو ولسي وزارت دې او له ولسونو او قومونو سره له نږدې کارکوي، نو د وزارت لومړيتوب دی، کې د هېواد بېلابېلو ولایتونو ته رسمي سفرونه وکړو، د خلکو ستونزې واورو او حل په موخه يې له اړوندو ارګانونو سره شريکې کړو، ښاغلي نوري دغه راز محترم مولوي صاحب حمزه ته بلنه ورکړه، چې په هغې ولسي غونډه کې برخه واخلي، چې د خلکو د ستونزو د حل په موخه نن په ګرديز کې جوړيږي. ورپسې د پکتیا والي مولوي صاحب حمزه پلاوي ته ښه راغلاست ووايه او په بېلابېلو برخو کې د همکارۍ ډاډ ورکړ.