د هېواد د بېلابېلو اقشارو منسجم کول د وزارت لومړیتوب دی!
د سرحدونو او قبایلو چارو وزارت د خپلو مهمو دندو ترڅنګ دې ته لومړیتوب ورکړی، چې د افغانستان د مېشتو درنو قومونو، مخورو، دیني عالمانو او ټولنیزو فعالانو ترمنځ د هېواد په بېلابېلو ولایتونو کې د سترو ولسي غونډو او جرګو له لارې انسجام رامنځته او ترمنځ یې اړیکو ته لا نوره هم پراختیا ورکړي، ترڅو وکولای شي په یووالي، انسجام او اتفاق سره د خپل اسلامي جمهوري دولت ترڅنګ له ملي موخو او ملي ارزښتونو څخه په ګډه ساتنه او پالنه وکړي.
وزارت د یوې ولسي ادارې په توګه تل هڅه کړې، چې خلک د نظام او ملي امنیتي ـ دفاعي ځواکونو ملاتړ ته راوبولې.
