د ملکي خدمتونو انستیتوت له خوا ( د رهبرۍ او مدیریت) تر عنوان لاندې پنځه ورځنی ورکشاپ پای ته ورسېد
۸/۱۱/۱۴۴۵
یاد ورکشاپ د افغانستان د اسلامي امارت د بېلابېلو ادارو د نویو رئیسانو د ظرفیت د لوړوالي په موخه د ملکي خدمتونو انستیتوت له خوا جوړ شوی و، چې پنځه ورځې یې دوام وکړ. د دې ورکشاپ په پای غونډه کې د نورو ادارو د مسؤلینو تر څنګ د سرحدونو، قومونو او قبایلو چارو سرپرست وزیر ښاغلي الحاج ملا نورالله نوري هم ګډون وکړ. ویناوالو د چارو د ښه او غوره ترسر کېدو په پار دا ډول ورکشاپونه یوه اړتیا او له ارزښته ډک وبلل ټینګار یې وکړ چې تر نورو عنوانونو لاندې هم چې هغه د اداري چارو له سمون سره مرسته وکړي ورکشاپونه جوړ او ظرفیتونه دې وروزل شي. دغه راز د سرحدونو، قومونو او قبایلو چارو سرپرست وزیر ښاغلي الحاج ملانورالله نوري، مدیریت او رهبري د اداري چارو د تنظیم اوسمون لپاره ډېر مهم وبلل ویې ویل چې اصلاً ښه مدیریت او رهبري کولای شي د موخو په ترلاسه کولو او د پلان په ښه او وخت تطبیق کې ارزښتناک رول ترسره او ولوبوي. یاده پای غونده د ګډونوالو له لوري به دعا سره پای ته ورسیده.
