د لوګر ولایت د کوچي قوم له یو شمیر مخورو سره کتنه
پنجشنبه ١٠جمادي الثاني١٤٤٥
د سرحدونو، قومونو او قبایلو چارو وزارت د سرحدي بررسي معین الحاج مولوي محمد اسماعیل غزنوي په داسې حال کې چې د کوچیانو چارو عمومي رئیس مولوي ګل زرین کوچي هم حضور درلود د لوګر ولایت د کوچي قوم له یو شمېر استازو او مخورو سره د هغوی د ستونزو د اورېدلو او حل په موخه وکتل.
په دې کتنه کې قومي مخورو په خپلو خبرو کې د څړ ځایونو، ښوونځیو او دیني مدرسو په اړه شته ستونزې او وړاندیزونه شريک کړل او ټینګار یې و کړ چې ا.ا.ا دې د کوچې ولس اساسي ستونزو ته رسېدنه وکړي.
ورپسي د وزارت د سرحدي بررسيو معين الحاج مولوي محمد اسماعیل غزنوي وویل: چې موږ ټول یو تن او یو وجود یو غوره دا ده چې د ا.ا.ا له اړوند ادارو سره په همغږۍ خپلو ټولو ستونزو ته په ګډه د حل لارې و مومو او خپل هېواد په هره برخه کې بسیایني ته ورسوو.
نوموړي ژمنه وکړه چې ستونزې او وړانديزونه به یې د حل په موخه د ا.ا.ا له مسؤلو مقاماتو سره شريک کړي.
