د فیض آباد اړوند شغنان او شېوه ولسونو شوراګانو له غړو او د پاميري ځوانانو له ټولنې سره لیدنه!
د بدخشان سفر:
د سرحدونو او قبایلو چارو وزیر ښاغلي محب الله صمیم بدخشان ولایت ته د خپل رسمي سفر پر مهال د شغنان او شېوه ولسونو شوراګانو او د پامیري ځوانانو له ټولنې سره ولیدل.
په دې لیدنه کې ټولو په وار سره خبرې وکړې او خپلې اړوند ستونزې او وړاندیزونه یې د حل په موخه له ښاغلي صمیم سره شریک کړل او همدا راز یې د وزارت له رهبرۍ څخه مننه وکړه، چې تل د ولسونو منځ ته ورغلي او د هغوی ستونزې یې د حل په موخه له لوړ پوړو دولتي چارواکو سره شریکې کړې دي.
ورپسې ښاغلي صمیم په خپلو خبرو کې د سولې په ټینګښت او نظام په ملاتړ کې د قومي او ولسي شورا ګانو رول له ارزښته ډک وباله، دوی ته ډاډ ورکړ، چې ستونزې به یې د حل په موخه له اړوندو ادارو سره شریکې کړي.
