د حکومت او ولسونو ترمنځ واټن لنډول مو له کاري لومړیتوبونو څخه دي!
دغه څرګندونې د سرحدونو او قبایلو چارو وزیر ښاغلي محب الله صمیم د هېواد د بېلابېلو قومونو له استازو سره په کتنه کې وکړې.
په دې کتنه کې راغلو استازو د خپلو یو لړ سیمه ییزو ستونزو شریکولو ترڅنګ د سرحدونو او قبایلو چارو له وزیر ښاغلي محب الله صمیم څخه وغوښتل، چې د وزارت له خوا په لویو ولسي غونډو کې دوی ته برخه ورکړي ، تر څو د نظام، ملي امنیتي او دفاعي ځواکونو د ملاتړ په پار خپل غږ اوچت کړي.
ورپسې ښاغلي محب الله صمیم د هېواد د بېلابېلو قومونو له استازو څخه مننه وکړه، چې د نظام او جمهوریت د ملاتړ ترڅنګ یې د خپلو ولسونو سیمه ییزې ستونزې د حل په موخه ورسره شریکې کړې، له دوی څخه یې وغوښتل چې د نظام د پایښت، د تلپاتې اوربند او ملي امنیتي او دفاعي ځواکونو د ملاتړ په پار د تل په څېر خپل غږ اوچت کړي.
ښاغلي صمیم دا هم وویل، چې پر مخالفینو غږ وکړئ، تر څو اوربند ته غاړه کېږدي او روانې جګړې ته د تل لپاره د پای ټکی کېږدي، ځکه چې جګړه پای و مومي شي نو د هېوادوالو لپاره به په ولایتونو، ولسوالیو او کلیو کې پراختیایي پروژې تطیبق شي، د حکومت او ولس ت منځ شته واټڼ له منځه وړل مو له کاري لومومړیتوبو څخه دي او خپلې هلې ځلې به په دې برخه کې ونه سپموو.
