د تدارکاتو نوی رئیس معرفي شو
۱۱/۷/۱۴۴۵
د سرحدونو، قومونو او قبایلو چارو وزارت اړوند د تهیه او تدارکاتو نوی ټاکل شوی رئیس مولوي حسین الله د وزارت د مسلکي مرستیال مولوي احمد طه قادري له لوري د یوې ناستې په ترڅ کې د یاد ریاست کارکوونکو ته ور وپېژندل شو.
د وزارت مسلکي مرسیتال ښاغلي قادري ټول مسؤلین تقوا او دیانت ته راوبلل او زیاته یې کړه چې هر مسؤل څخه به د لاندې کسانو پوښتنه کېږي. هغه د نوي ټاکل شوي رئیس ستاینه وکړه او په چارو کې یې ورته د توفیق غوښتنه وکړه.
ورپسې د دفتر رئیس ښاغلي تقي د مسؤلیت په اړه خبرې وکړې او ټاکل شوي رئیس ته یې مبارکي او په چارو کې د بریا غوښتنه وکړه.
د یادولو وړ ده چې د تهیه او تدارکاتو پخوانی رئیس سید امین آغا د وزارت د مالي چارو د رئیس په توګه وټاکل شو او له نوي رئیس سره یې په چارو کې د هر ډول همکارئ ژمنه وکړه.
