پکتیا کې د شاوخوا ۱۹ کلونو په دوام يوې مرګوني دښمني پای وموند
چهار شنبه ۱۹ ربیع الاول ۱۴۴۸
د پکتيا ولايت د سرحدونو، قومونو او قبايلو چارو رياست مسؤلينو د دغه ولايت په اريوب ځاځيو ولسوالي کې د دوو کورنيو ترمنځ د څه کم دوه لسيزو په دوام هغه رامنځته شوې بدي هواره کړه، چې دواړو لوريو ته د مرګ ژوبلې سربېره يې ګڼ اختلافات را ولاړ کړي وو.
د دغه بدي په پايله کې دوو تنو خپل ژوند له لاسه وورکړي وو، چې له کبله يې د ښکېلو کورنيو ترمنځ لويې بدبينۍ او جنجالونه رامنځته کړي وو، چې مسؤلينو په خپل منځګړيتوب سره د يوې شرعي فيصلي په ترڅ کې د پای ټکی ورته کېښود.
د يادې بدي د روغي جوړې په مراسمو کې د پکتيا والي ملا مهرالله حماد په شمول د اريوب ځاځي ولسوالي ولسوال، د بېلابېلو ادارو استازو، ديني عالمانو، قومي مشرانو، متنفذينو او د سيمې خلکو ګډون درلود
