د ننګرهار له والي سره لیدنه!
د سرحدونو او قبایلو چارو وزارت د جرګو او قبایلي چارو د همغږۍ معین ښاغلي الحاج محمد یعقوب احمد زي او ملګري پلاوي يې نن سه شنبې د روان کال د تلې د میاشتې په ۱۵ نېټه ددغه ولایت له والي ښاغلی ضياء الحق امرخېل سړه وکتل.
په دې کتنه کې، چې د وزارت د جرګو او قبایلي چارو د همغږۍ رييس, د اطلاعاتو او عامه اړیکو رييس, د ننګرهار د سرحدونو او قبایلو چارو رئیس او نور کارکوونکي ور سره ملګري وه لومړۍ ښاغلي احمدزي ننګرهار ولایت ته د خپل کاري سفر د موخو په اړه معلومات شریک کړل وی ویل: وزارت په پام کې لري چې په نږدې راتلونکې کې په دغه ولایت کې د سولې او نظام د ملاتړ په اړه د ننګرهار ولایت د ولسونو په ګډون یوه پراخه غونډه جوړه کړي, چې ستاسو همکاري پکې اړینه ده.
ورپسې ښاغلي امرخيل د سرحدنو او قبایلو چارو وزارت دا کار پر ځای اقدام وباله او ښاغلي احمدزي او ملګري پلاوي ته یې په دې برخه کې د هر ډول مرستو او همکاریو ډاډ ورکړ.
