د وزارت د ظرفیت لوړونې استادان په ستاینلیکونو وویاړل شول!
د سرحدونو او قبایلو چارو سرپرست او نوماند وزیر ښاغلي محب الله صمیم له خوا نن سه شنبې د روان لمریز کال د تلې میاشتې پر ۱۵ مه نېټه د وزارت د ظرفیت لوړونې استادان ښاغلی دریا خان بهیر، ښاغلی همت خان زهیر او ښاغلی شاپورخان عمرزی په ستاینلیکونو وویاړل شول.
ښاغلي محب الله صمیم د یادو استادانو له خوا په لار اچول شوي پروګرامونه، او درسي میتود د ظرفیت لوړونې په بېلابېلو برخو کې د ستاینې وړ وبلل او د دوی هڅو ته یې په اشارې سره وویل: چې په راتلونکي کې باید د کارکوونکو د اړتیاو سره سم د ظرفیت لوړونې په موخه ښوونیز پروګرامونه، سیمینارونه او ورکشاپونه جوړ شي، ترڅو چې کارکوونکي د خپلو کاري وړتیاوو په لوړولو کې ترې ګټه پورته او د وخت غوښتنو سره سم هېواد او ولس ته د خدمت جوګه شي.
