د سولې او ملي یووالي د روحيې په پیاوړتېا ټینګار!
د سرحدونو او قبايلو چارو وزير ښاغلي محمد شفيق ګل آغا شېرزي نن پنجشنبې د روان لمریز کال د کب میاشتې پر ۱۵ مه نېټه د کډوالو او راستنېدونکو چارو له وزیر ښاغلي سید عالمي بلخې،مولوی مصطفی بارکزي، مشاور وزیر مسعود اخند زاده، جنرال عتیق الله امرخېل، محمد یونس فکور، مفتي صاحب محمد فاروق، مولوي ساجد، مولوي حنیفي، مولوي ابراهیم بارکزي او ګڼو نورو سیاسي شخصیتونو او دیني عالمانو سره وکتل.
په دې کتنه کې په هېواد کې د روانو حالاتو سربېره د سولې او ملي یووالی د روحیې په پياوړي کولو، په دې برخو کې د قومي مشرانو او سیاسي شخصیتونو سره په سلا مشورو او ګډو هلو ځلو ټینګار وشو.
