کنړ کې دوه جلاجلا شخړې د مسؤلينو او علماوو په ګډو هڅو پای ته ورسېدې
یک شنبه ۷ ربیع الآخر ۱۴۴۸
د ياد ولايت د سرحدونو، قومونو او قبایلو چارو ریاست رئیس ملا تحمیدالله غازي په مشري د دیني علماوو او قومي مخورو په منځګړیتوب د دغه ولايت اسمار ولسوالۍ په دوه جلا سیمو کې دوه جلا جلا شخړې حل او فصل شوې.
لومړنۍ شخړه د اسمار ولسوالۍ په ډمبرو سیمه کې رامنځته شوې وه، چې د ګڼو خپلمنځي ستونزو له کبله يې د دواړو خواوو ژوند تريخ کړی و او وخت ناوخت به يې ترمنځ لوی مشکلات راپورته کېدل.
همداراز دوهمه شخړه د يادې ولسوالۍ په شال خوړ سیمه کې رامنځته شوې وه، چې د دیني علماوو په هڅو د مسؤلينو له لوري د يوې رابلل شوې جرګې له لارې حلوفصل شوه.
د يادو دواړو شخړو د هواري پرمهال د ښکېلو کورنيو مشرانو د ا.ا.ا د مسؤلينو کوششونه وستايل او په خپلو منځونو کې يې يو بل ته عام تام بښنه ترسره کړه.
