بلخ کې د ۱۱ کلنې حقوقي شخړې حل
يکشنبه ۱۱ شوال المکرم ۱۴۴۷ د بلخ ولايت د سرحدونو، قومونو او قبايلو چارو رئيس مولوي سردار محمد محمدي په مشري د يوې قومي جرګې په ترڅ کې د هغو دوو کورنيو ترمنځ روغه وشوه، چې د تېرو يوولسو کلونو يې په خپل منځ کې د دښمنۍ اور بل وو.
ددغې رابلل شوې جرګې پرمهال د ا.ا مسؤلينو ښکېل لوري عفوې او بښنې کولو ته وهڅول او له هغوی يې وغوښتل،چې ددښمنيو پرځای دسولې او ورورولۍژوند غوره کړي.يادو مسؤلينو همداراز په ولسونوغږ وکړ،چې دهرې ستونزې پرمهال دې د اسلامي امارت مشران پروخت خبر کړي ترڅو د ستونزو د پراخېدو مخه ونيول شي.
په پای کې د جرګې منځګړو مشرانو طرفين سره غاړه غړۍ کړل او د ژمن ليک په اخېستلو سره يې له هغوی غوښتنه وکړه، چې په راتلونکي کې يوبل ته کوم ډول خنډونه ايجاد نه کړي.
