د دوو کورنيو ترمنځ پېښه شوې شخړه حل او په دوستۍ بدله شوه
د ننگرهار ولايت په دري نور ولسوالۍ کې د دوو کورنيو تر منځ د پېښي شوې شخړې د حل او هواري په موخه د سرحدونو، قومونو او قبايلو چارو رئيس ښاغلي رحمت الله غازي عمر د يو شمېر ديني عالمانو او قومي مخورو په مشرۍ يادې ولسوالۍ ته د خپل سفر په ترڅ کې په شخړه کې له ښکېلو لوریو سره ګډه ناسته تر سره کړه. په ياده ناسته کې ښاغلي عمر په خپلو خبرو کې دواړه کورنۍ سولې او ورورولۍ ته را وبللې چې په پايله کې يې را منځته شوې ستونزه حل او دواړه کورنيو خپل اشتباهات ومنل ژمنه يې وکړه چې له دې وروسته به يو بل ته خنډ نه جوړوي او د ورورولۍ په فضاء کې به ژوند ته ادامه ورکوي.
