د سرحدونو، قومونو او قبايلو چارو سرپرست وزير د ډنډپټان ولسوالۍ مېشتو قومي مشرانو سره ولیدل

mobta_admin
Sun, Jan 22 2023 5:40 PM
mobta

يکشنبه، جمادى الثاني ٢٩مه

د سرحدونو، قومونو او قبايلو چارو سرپرست وزير ښاغلي الحاج ملا نورالله نوري د پکتيا ولايت ډنډپټان ولسوالۍ ميشتو قومي مشرانو سره د خپل کار په دفتر کې وکتل. په دې کتنه کې راغليو قومی مشرانو د ډنډپټان ولسوالۍ د خلکو په اقتصادي، ټولنيز او صحي وضیعت بحث او خبرې وکړی او د اسلامي امارت له مشرانو څخه يې غوښتنه وکړه چی يادي ولسوالۍ ته دې ځانگړې پاملرنه وکړي . ورپسي د سرحدونو، قومونو او قبایلو چارو سرپرست وزیر ښاغلي الحاج ملانورالله نوري د ملي یووالي، ولسي بسیج، د خلکو ستونزې تر اړوندو ارګانوپورې په رسونه او ورته نورو برخو کې د قومي مشرانو او مخورو رول مهم وباله او د ډنډپټان ولسوالۍ له قومي مشرانو څخه یې غوښتنه وکړه چې په دې برخو کې له وزارت سره همکار پاتې شي تر څو وکولاي شو خپلو ولسونو ته غوره خدمتونه وړاندې کړو او شته ستونزو ته يې د پاي ټکي کېږدي.