د سرحدونو، قومونو او قبایلو چارو وزارت لوړ رتبه پلاوي د سرپل ولايت له والي سره وکتل.
۲۹ ربیع الاول ۱۴۴۴
د سرحدونو، قومونو او قبايلو چارو وزارت د جرګو د معين الحاج ملا عبدالخالق عابد په مشري لوړ رتبه هيئت سرپل ولايت ته سفر تر سره کړ او د همدې ولایت له والي محمد یعقوب عبدالرحمن اکا او د سرحدونو ق.ق چارو ریاست له رئیس مولوي رحمت الله سره په ولایت مقام کې وکتل.
ښاغلي عبدالرحمن پلاوي ته هرکلی او ښه راغلاست ووایه؛ د سرپل ولايت د ښه امنيتي وضعيت او د مېشتو قومونو تر منځ پخپلو کې د ښې همغږۍ ډاډ يې ورکړ.
د يادونې وړ ده چې د سرحدونو، قومونو او قبایلو چارو وزارت په پام کې لري چې له پلان سره سم په سرپل ولایت کې یوه لویه ولسي غونډه جوړه کړي، په یاده لیدنه کې د راروانې غونډې په اړه تصمیم ونیول شو، او د غونډې د ښه تر سره کېدو په مناسبت پلان ونیول شو.
