د سرحدونو، قومونو او قبایلو چارو د بررسي معین د تاجکستان له بندر څخه لیدنه وکړه!
د سرحدونو، قومونو او قبایلو چارو د بررسي معین شیخ مولوي محمد قاسم خالد د تاجکستان سره پر پوله د آمو له سیند او آیخانم له بندر څخه نن په داسې حال کې لیدنه وکړه چې پر مهال یې د داخله وزارت معین مولوي نور جلال جلالي، د زراعت وزارت عمومي رئیس عبدالاحد خلیل، د تخار ولایت والي او امنیه قومندان هم حضور درلود.
شیخ خالد د لیدنې پر مهال وویل د آمو سیند د افغانستان ځمکې ویجاړې کړې او تخريبات رامنځته شوي دي موږ یاده موضوع له ریاست الوزراء سره شریکوو چې د دې تخریباتو د مخنیوي لپاره اساسي پلان ونیول شي تر څو د آمو سيند په اوږدو کې د تخريباتو د مخنيوي لپاره قوي تحکيمات جوړ کړي او د ځمکو د تخريب مخه ونيول شي، همدا راز ښاغلي خالد وویل دا یو تجارتي بندر دی ا.ا.ا هڅه کوي چې د دې بندر تر څنګ په ټولو تجارتي بندرونو کې د تجارانو لپاره لا ډيرې اسانتياوې رامنځ کړي.
