د ادارو ترمنځ د قومونو د انسجام په پار غونډه!
د سرحدونو او قبایلو چارو وزارت د جرګو او قبایلو چارو د همغږۍ معین ښاغلي الحاج محمد یعقوب احمدزي په مشرۍ د سیمه ییزو ارګانونو د ادارې او یو شمېر وزارتونو په ګډون نن دوشنبې د چنګاښ میاشتې پر ۱۴ مه نېټه د قومونو د انسجام په موخه د همغږۍ غونډه جوړه شوه.
په یاده غونډه کې، چې د تېرو غونډو په تسلسل جوړه شوې وه، یوه ګډه طرحه جوړه او د هغې په موادو یې بحث او خبرې وکړې ټینګار وشو چې اړوند ادارې به په خپله برخه کې د طرحې مطابق په ګډه او همغږي توګه کار کوي او له یو بل سره په همکارۍ به دغه چاره، چې هغه قومونه سره نږدې کوي، د دوی ترمنځ د اړیکو پراختیا ته زمینه برابروي په ښه او مسؤلانه توګه پرمخ وړي.
