په خوست کې د صبريو قوم مشرانو ستونزې او غوښتنې واورېدل شوې!
د سرحدونو او قبایلو چارو وزیر محترم محب الله صمیم خوست ولایت ته د سفر پر مهال د صبریو قوم له یو شمېر مشرانو سره وکتل او د هغوی بېلابېلې ستونرې یې له نږدې واورېدې.
په دې کتنه کې یادو مشرانو د قومونو په یووالي، ولسي بسیج، په ولایتو کې د نظام، ملي ارزښتونو او اوربند ملاتړ په اړه د لویو ولسي غونډو په جوړلو کې د ښاغلي صمیم هڅې او لاسته راوړنې وستایلې او د خپلو هر راز همکاریو ډاډ یې ورکړ
ورپسې ښاغلي صمیم خبرې وکړې ویې ویل: هڅه مو دا ده چې د ولسونو ستونزې له نږدې واورم منځ ته یې ورشم او شته واټن چې د حکومت او ولس تر منځ پیدا شوی را کم کړم، په پای کې یې یادو مشرانو ته ډاډ ورکړ چې بېلابېلې ستونزې به یې له اړوندو ادارو سره د حل په موخه شریکې کړي
