د اطلاعاتو او عامه اړیکو رئيس د اجرااتو کلنۍ ارزونه تر سره شوه!
د سرحدونو او قبایلو چارو وزارت مسلکي معین ښاغلي ډاکټر فریدون بارکزي له خوا نن شنبې د ۱۳۹۹ لمریز کال د وږي میاشتې په لومړۍ نېټه په داسې حال کې، چې د اداري اصلاحاتو او ملکي خدمتونو د خپلواک کمېسیون د ارزونې کارپوه ښاغلی طاهر شاه بلال او د ارزونې عمومي مدیر ښاغلی قاري عبدالمقصود شعیب هم حاضر و، د اطلاعاتو او عامه اړیکو د رئيس ښاغلي عبدالوحید خاورې کلنۍ ارزیابي په بریالۍ توګه ترسره شوه.
د ارزونې په بهیر کې د سرحدونو او قبایلو چارو وزارت مسلکي مرستیال ښاغلي بارکزي د نوموړي کارکړنې او فعالیتونه د ستاینې وړ وبلل، زیارګالنو ته یې په اشارې سره وویل: باید د هر دولتي کارکوونکي فعالیت ته په کتو سره د هغوی ارزیابي وشي، ترڅو په ادارو کې ښه نظم او چارې يې په اغېزمن ډول پرمخ لاړې شي.
