پکتیا کې د ۱۳ کلونو په دوام رامنځته شوې بدي حل شوه
سه شنبه ۱۸ ربیع الاول ۱۴۴۸
د پکتيا ولايت مرکز ګرديز اړوند اهنګرانو سيمي اوسيدونکو ترمنځ د ځينو حقوقي مسائلو پر سر راپورته شوې شاوخوا ديارلس کلنه بدي، چې له اوږدې مودې راهيسې يې د دواړو خواوو ترمنځ لويې ستونزې را ولاړې کړې وې حل او په سوله او ورورولي بدله شوه.
د دغه بدي د حل لپاره د پکتيا ولايت د سرحدونو، قومونو او قبايلو چارو رياست رئیس مولوي محمدعالم رهبر د قومونو د ستونزو او مشکلاتو د حل اوفصل کمیټې دغړو او قومي مشرانو په هلو ځلو يوه لويه جرګه راوبلله، موضوع يې په هراړخېز ډول وڅېړله او ترمنځ يې د خير فيصله وشوه.
د مسؤلينو په ترسه شوي فيصله د ښکېلو خواوو مشرانو د خوښي څرګندولو ترڅنګ يو بل ته د عام تام بښنې په کولو سره په تېرو ناخوالو پښېماني وخوده او نوي د خوښي ژوند ته راوګرځيدل
