کنړ کې د ۳۵ کلنې شخړې سر بېره بلخ کې هم مسؤلينو ۸ کلنې شخړې ته د پای ټکی کېښود
يکشنبه ۲۱ رجب المرجب ۱۴۴۷
د کنړ ولايت د سرحدونو، قومونو او قبايلو چارو رياست مسؤلينو د ځايي قومي مشرانو او ديني عالمانو په ملتيا د دغه ولايت يه آسمار ولسوالي کې د يوې ۳۵ کلنې دښمۍ اوږدمهاله لانجې ختمې کړې او ښکېل لوري يې سولې ته راوبلل.
ياده دښمني، چې د ځمکو د ملکيت پر سر را پورته شوې وه دواړو خواوو ته يې د ګڼو مالي زيانونو ترڅنګ لويې خپلمنځي ستونزې هم پېښې کړې وې، چې د مسؤلينو د منځګړيتوب پر اساس په دوستي او ورورولي بدله شوه.
همداراز د بلخ ولايت په دولت آباد ولسوالي کې هم د ځکمې د ملکيت له امله راپورته شوې شخړه، چې ۸ کاله پخوا رامنځته شوې وه تېره ورځ د ياد ولايت د سرحدونو، قومونو او قبايلو چارو رياست د استازو په هڅو او د قومي سپين ږيرو په ملتيا حل او د يوې عادلانه فيصلې په ترڅ کې حق حقدار ته وسپارل شو
