د پلازمېنې کابل سربېره په فارياب او بلخ ولايت کې د ولسواليو په کچه غونډې ترسره شوې
پنجشنبه ۴ رجب المرجب ۱۴۴۷
د سرحدونو قومونو او قبايلو چارو وزارت له لوري د ولسواليو په سطحه د اسلامي اخوت او خلکو ستونزو د اورېدو تر سرليک لاندې جوړيدونکو غونډو په ترڅ کې دا ځل د پلازمېنې کابل په سروبي ولسوالي مرکز او ازبين، د فارياب ولايت په اندخوی او شيرين تګاب، د بادغيس په قلعه نو، د پروان په شيخ علي او سالنګ ولسوالي او د بلخ ولايت په مارمل ولسوالي کې له ولسي خلکو، علماوو او قومي مشرانو سره په بېلا بېلو وختونو کې لويې ولسي غونډې ترسره شوې.
د دغوغونډو پر مهال مسؤلينو د اميرالمؤمنين حفظه الله هغه فرمان ولوست، چې د سيمه ييزو ناوړه دودونو او رواجونو د مخنيوي په اړه صادر شوی دی. دوی له خلکو وغوښتل، چې د ياد فرمان د عملي کولو په برخه کې خپل مسئوليت ادا کړي او د اسلامي اصولو په پلي کولو کې له اسلامي امارت سره همکاري وکړي. مسؤلينو همداراز ولسونو ته ډاډ ورکړ، چې د هرې لويې او وړې ستونزې د حل لپاره يې شپه او ورځ هڅې کوي او دا خپل ايماني، اسلامي او هيوادنی مسؤليت ګڼي.
قومي مشرانو د غونډو پر مهال په خپلو ويناوو کې د اوسني نظام له خدمتونو مننه وکړه او ياد نظام يې د هيواد د ثبات، امنيت او ولسونو د خونديتوب لپاره مهم وباله. هغوی له مسؤلينو مننه وکړه، چې د ولس غږ ته غوږ نيسي او د خلکو د ستونزو د حل لپاره هڅې کوي
