لغمان کې د ۲۲ کلنې او ۱۷ کلنې شخړې تر څنګ بلخ کې هم ۳ کلنه شخړه حل شوه

شنبه ۱۷ ذوالحجه ۱۴۴۶

د لغمان ولايت عليشنګ ولسوالۍ په ميل دره سیمه کې د يوې کورنې د څو غړو ترمنځ د ميراث پر سر راپورته شوې ۲۲ کلنه لانجه او د همدې ولايت د مرکز اړوند چهاردهي سيمه کې د يوه کس د وژنې پر سر رامنځته شوې ۱۷ کلنه شخړه د ياد ولايت د سرحدونو، قومونو او قبايلو چارو آمريت مسؤلينو، ديني عالمانو او قومي مشرانو په هلو ځلو پای وموند.

په ورته مهال د بلخ ولايت د سرحدونو، قومونو او قبايلو چارو رياست مسؤلينو د ځايي قومي سپين ږيرو او علماوو په منځګړيتوب په ياد ولايت کې د دوو مرورو کورنيو ترمنځ د کورني جنجالونو له امله راپورته شوې ۳ کلنه شخړه هواره او دواړه خواوې يې سره پخلا کړې.

د يادو شويو شخړو پرمهال ښکېلو طرفونو ته لوی مالي زيانونه هم اوښتي وو، چې مسؤلينو د خپلو هلو ځلو په نتيجه کې دې ته راضي کړل ترڅو يو بل ته بښنه وکړي او د ورورولۍ فضاء رامنځته کړي، چې په همدې توګه يې تېرې ناخوالې هېرې کړې او نوی د خوښۍ ژوند يې پيل کړ