د نیمروز ولایت په مرکز زرنج ښار کې د دوو کورنیو تر منځ د اختلافاتو حل!
۲۰/۱۲/۱۴۴۵
په نیمروز ولایت کې د دوو کورنیو ترمنځ درې میاشتې مخکې پېښه شوې شخړه چې یو تن پکې وژل شوی و، تېره ورځ د یوې ناستې په ترڅ کې حل شوه. دغه شخړه د یاد ولایت د سرحدونو، قومونو او قبایلو چارو د رئیس مولوي صالح محمد مسافر په مشرۍ او د ګرشک د لېواء د قومندان الحاج سردار محمد ایوبي، دیني عالمانو او قومي سپین ږیرو په منځګړیتوب حل او په دوستي بدله شوه، چې پر مهال یې ښکېلو غاړو د مرکچي پلاوي په ټینګار یو بل ته بښنه وکړه او ژمنه یې وکړه چې نور به د ورورولۍ او امن په فضاء کې خپل ژوند ته ادامه ورکوي. د یادونې وړ ده چې په تېرو نیژدې ورځو کې په ننکرهار، کنړ، کاپیسا، سمنګان او نورو ولایتونو کې هم د ځمکو پر سر رامنځته شوې شخړې د سرحدونو، قومونو او قبایلو چارو ریاستونو لخوا حل شوې دي.
